01.04.2025
Премьер-лига: үшінші турдың статистикалық шолуы
Премьер-лиганың үшінші тур ойындары аяқталды. Назарларыңызға осы турда тіркелген негізгі статистикалық мәліметтерді ұсынамыз:
Голдар саны – үшінші турда барлығы 18 гол соғылды. Бұл екінші турмен салыстырғанда 4 голға көп. Орташа есеппен әр ойында 2,5 гол тіркелді.
Пенальти мен автогол – соғылған голдардың 4-еуі пенальтиден, ал біреуі автоголдан соғылды.
Ең нәтижелі команда – «Ақтөбе». Ақтөбеліктер «Атырау» қақпасына 4 гол соқты.
Голсыз аяқталған матч – «Ордабасы» мен «Қызылжар» арасындағы кездесу 0:0 есебімен тең аяқталды. Сондай-ақ «Ордабасы» үш турда бірде-бір гол соқпаған жалғыз команда атанып отыр.
Ереже бұзу – үшінші турдың 7 матчында 36 сары қағаз көрсетіліп, 3 ойыншы алаңнан қуылды.
Көрермен саны – үшінші турдың матчтарын жалпы 29 822 жанкүйер тамашалады. Алдыңғы турда бұл көрсеткіш 25 000 болған.
Ең көп көрермен жинаған матчтар:
«Астана» – «Жетісу» – 8 922 көрермен;
«Атырау» – «Ақтөбе» – 5 500 көрермен;
«Ұлытау» – «Жеңіс» – 4 000 көрермен.
Отандық футбол түлектерінің көрсеткіші:
Соққан голдары – 5;
Бастапқы құрамда шыққан ойыншылар саны – 65;
Алаңға шыққан ойыншылардың жалпы саны – 113;
Негізгі құрамда ең көп түлек шығарған клубтар – «Қайсар» (11 ойыншы) және «Оқжетпес» (10 ойыншы).
YouTube қаралымы – матчтардың бейнешолуларын есептемегенде 192,5 мың қаралым жинады.
Қосымша жаңалықтар
ПРЕМЬЕР-ЛИГА
Бесінші тур: көшбасшылар ұпай жоғалтып, «Ордабасы» алғашқы жеңісіне қол жеткізді
21.04.2025
ПРЕМЬЕР-ЛИГА
Бесінші турдың қорытындысы: көшбасшылар ұпай жоғалтып, «Ордабасы» алғашқы жеңісіне жетті
21.04.2025
