«Тараз» футбол клубынан трансферлік тыйым алынып тасталды

Бірінші лигада өнер көрсететін «Тараз» футбол клубы легионерлер алдындағы барлық берешегін толық өтеді. Осыған байланысты ФИФА жаңа ойыншыларды тіркеуге салынған шектеуді ресми түрде алып тастады.

Енді «Тараз» жаңа маусымда құрамын жаңа ойыншылармен толықтыра алады.

Айта кетейік, 2022 жылы клуб легионерлер алдындағы қарыздарын уақытында өтей алмағандықтан, трансферлік тыйымға ұшырап, нәтижесінде Бірінші лигаға түсіп қалған еді.