Қазақстан Кубогының 1/8 финалы: Премьер-лига клубтары жарыс жолына қосылады

 

 

Матчтың басталуы – 15:00

Өтетін орны: «Металлург» стадионы (Жезқазған қ.)

 

«Ұлытау» клубының құрылғанына көп бола қойған жоқ. Үш жылға жуық уақыт ішінде Екінші лигадан Премьер-лигаға дейін жетті. Әзірге жоғары топта жеңіске жетпеді. Сондықтан олар бірінші кезекте чемпионаттағы жағдайларын ойлайды. Бірақ бұл олардың кубоктан бас тартатынын білдірмесе керек. 

Ал Абай облысының намысын қорғап жатқан «Елімай» екі фронтта да сәтті өнер көрсетуді қалайды. Олар бірінші кезекте жанкүйерлеріне бір трофей сыйлап қуантқысы келеді. Бұл жағынан Қазақстан кубогы төте жол болуы мүмкін. Жалпы, «Елімайды» осы жұптың фавориті деп санауға болады. Екі ұжым жақында Астанада жолығып, Семей командасы 3:0 есебімен аса қиналмай жеңген еді. 

 

Матчтың басталуы – 16:00

Өтетін орны: «Тобыл Арена» (Қостанай қ.)

Жаңа маусым «Қызылжарға» оңай соқпай тұр. Команда 4-турда әлі бірде-бір жеңіске жеткен жоқ. Соңғы рет Қостанайда «Тұранға» есе жіберді. Олар да «Ұлытау» секілді бірінші кезекте премьер-лигадағы жағдайларын ойлайды. Ал тек отандық ойыншылармен өнер көрсетуді шешкен Қызылорданың «Қайсарына» да екі фронтта өнер көрсету қаншалықты қиын екенін түсінеміз.  Ойыншыларының көбісі жас. Дегенмен бұл жұптың біреуі ширек финалға шығады. Мұны өзі қай қайсысына болмасын серпіліс болғалы тұр. 

«Қызылжар» алаң иелері саналғанымен, матч Қостанайда өтеді. Ал «Қайсар» бұл жақта сәтті ойнайды. Кезінде «Тобылды» сырт алаңда бірнеше рет жеңіп кеткен. Шыны керек, футбол жанкүйерлері мен сарапшыларын алдын ала нақты болжам жасауға болмайтын матч күтіп тұр. 

 

Матчтың басталуы – 17:00

Өтетін орны: «Орталық» стадион (Алматы қ.)

«Қайрат» - ел чемпионы және биылғы маусымда да көшбасында келе жатқан клуб. Алматы ұжым кубокта жеребе тартылғанда да жолы болды. Оларға бірінші лиганың командасы түсті. Оның үстінде Рафаэль Уразбахтин шәкірттері «Каспийді» өз алаңында қабылдайды. Ақтауға жол жүріп те, қиналмайды. Бұл жұптың фавориті сөзсіз «Қайрат». Аталған трофейді 10 рет жеңіп алған. Дегенмен, Кубоктың ерекшелігі – онда күтпеген жағдайлар жиі болып тұрады. Маңғыстаулықтардың сенсация жасауға қаншалықты қабілетті екенін 12 сәуірде білетін боламыз. 

 

Матчтың басталуы – 15:00

Өтетін орны: «Түркістан Арена» стадионы (Түркістан қ.)

 

Беларусь маманы Виталий Жуковский жаттықтыратын команда осы маусымда жақсы өнер көрсетуде, ал Константин Горовенконың ұжымы туралы әзірге олай айта алмаймыз.  Ойын «Түркістан Аренада» өтеді. Осы факторларды ескеріп, «Тұранды» айқын фаворит деп айтуға болар еді. Алайда «Атыраудың» кубокта жақсы ойнайтыны бар. Былтыр финалға дейін жеткен болатын. Биыл «мұнайшылар» сондай мінез көрсете ала ма? сол сұраққа жауапты 13 сәуірде іздейміз. Айтпақшы, Жуковский бұрынғы ұжымына қарсы ойнамақ. 

 

Матчтың басталуы – 15:00

Өтетін орны: «Хан-Тәңірі» стадионы (Алматы қ.)

«Ордабасы» үшін Қазақстан кубогы өз-өздеріңе деген сенімділікті арттыруға тамаша мүмкіндік болмақ. Команда премьер-лигада соңғы орында келе жатыр. Кубокта жеңіске жетіп жатса, алдағы жанкүйерлерінің аздап болса сеніміне ие болады. «Хан – Тәңірі» Бірінші лиганың командасы. Олардың деңгейі Андрей Мартиннің командасындағы ойыншылармен салыстыруға келмейді. «Ордабасы» келесі кезеңге өтуге барын салады. Әйтпесе, молдовалық маманның Шымкент клубындағы карьерасы ұзаққа созылмауы әбден мүмкін. 

 

Матчтың басталуы – 15:00

Өтетін орны: «Оқжетпес» стадионы (Көкшетау қ.)

 

Премьер-лиганың көшбасшыларының бірі көршілес қалаға сапар шегеді. Алайда, «Астана» үшін Көкшетауда жеңіл ойын күтіп тұр дей алмаймыз. Андрей Ферапонтовтың шәкірттері кез келген қарсыласқа төтеп беруге дайын. Мұны жақында «Тобылмен» матчта көз жеткіздік. 

 Дегенмен, «Оқжетпестің» елорда ұжымымен жеке кездесулердегі статистикасы нашар, олар 2012 жылдан бері жеңіске жете алмай келеді. 

Соңғы рет «Астананың» Көкшетауға сапары 0:0 есебімен тең аяқталды. Бірақ бұл жолы міндетті түрде пенальтиден болса да жеңіске жетуі тиіс. 

 

Матчтың басталуы – 17:00

Өтетін орны: «Астана Арена» стадионы (Астана қ.)

 

«Ақтөбе» – кубоктың қазіргі иесі. Олар өз атақтарын қорғауды Астанадан бастайды. «Жеңіс» те тарихы бай команда. Тіпті, Қазақстан кубогындағы трофей санынан «Ақтөбеден» алда тұр. Яғни Астана клубы үш рет, «Ақтөбе» екі рет топ жарған. 

Клубтардың жағдайына келсек, «Жеңіс» биыл премьер-лигада төрт ойын өткізіп, барлығын тең аяқтады. «Ақтөбе» болса, төрт матчтың үшеуінде үш ұпайдан еншіледі. Біреуінде тең түсті. Сондықтан бізді қызықты матч күтіп тұрғаны жасырын емес. 

Матчтың басталуы – 19:00

Өтетін орны: «Тобыл Арена» стадион (Қостанай қ.)

Бұл жұптағы командалардың қазір жағдайлары әр түрлі. «Тобыл» әзірге жеңілген жоқ, «Жетісу» керсінше 4 матчта әлі бірде-бір ойынды ұтпады. 

«Тобылға» тағы бір қолайлы болып тұрғаны матчты өздерінің «Тобыл Арена» атты жабық манежінде өткізеді. Бұл «Жетісу» үшін қиындық тудыратыны сөзсіз. Бірақ бір ескере кететін жайт, Талдықорған ұжымы 2023 жылы қыркүйекте дәл осы алаңда жеңіске жеткені бар. Сол себепті «Тобылға» арқаны кеңге салуға болуға болмады. Бір матчтан тұратын кубокта бәрі болуы ықтимал.